Engraved Asomtavruli
წარწერას სამი მხრიდან შემოუყვება ლილვისებრი ჩარჩო. წახნაგის ქვედა ნაწილში გამოქანდაკებულია სიცოცხლის ხე, ხოლო მის ორივე მხარეზე- ორი ვერძი, ერთმანეთის პირისპირ. ერთ წახნაგზე ამოკვეთილია რელიეფური "ბოლნური ჯვარი", რომლის ორივე მხარეს მაზდეიზმის საღმრთო თავსაკრავის ბაფთებია გამოსახული. დაზიანება: წარწერიანი წახნაგის კუთხეების ჩამომტვრევისა და ზედაპირის ატკეჩვის გამო წარწერას აკლია სამივე სტრიქონის დასაწყისი, შუა ნაწილები და პირველი სტრიქონის დასასრული. თუმცა, წარწერის ტექსტი სრულადაა აღდგენილი. წარწერაში კვრის აღმმართველნი სახელდების გარეშე არიან მოხსენიებულნი. საფიქრებელია, რომ კარცხლბეკის სხვა წახნაგებზე ყოფილიყო წარწერა ამოკვეთილი, სადაც ჯვრის აღმმართველნი პიროვნულად იქნებოდნენ დასახელებულნი. წარმოდგენილ გამოცემაში წარწერის დახასიათება ხდება პალეოგრაფიული ნიშნების დახასიათებით.