მასალა: ქვა
ობიექტის ტიპი: სტელა
ზომა: w 167 x h 63 x d 45
დეკორი: რუხი ფერის მართკუთხა მონოლითის ცენტრში გამოსახულია სამსაფეხურიან სადგარზე აღმართული, წრეში ჩასმული რელიეფური ჯვარი. ჯვრის მკლავებს შორის ოთხი მრგვალი ბურთულაა. ჯვრის ქვეშ ხელის გაშლილი მტევანია - მეფის ძალაუფლების სიმბოლო.
წარწერიანი ზედაპირი: სტელაზე გამოსახული ხელის მარცხნივ, მარჯვნივ და ქვემოთ 19 სტრიქონიანი წარწერაა ამოკვეთილი. ბოლო 2 სტრ. ხელის გამოსახულების გაყოლებაზე, მარჯვნივ, ძირითადი ტექსტის პერპენდიკულარულადაა ამოღარული. w 85 x h 49 cm
ასოთა მოხაზულობა: ამოღარული ასომთავრული, ქარაგმისა და განკვეთილობის ნიშნები არ იხმარება (შეიძლება აღარ იხილვება). ერთ შემთხვევაში გვხვდება ლიგატურა: ვ-ლ (XIV სტრ). 2,5-5,5
დათარიღება: XIII AD
სადაურობა: არ არის მითითებული
თავდაპირველი მდებარეობა: ტყემლიანი
ბოლო აღწერილი მდებარეობა: ტყემლიანი
ტექსტის კატეგორია Unknown
რედაქტორი/გამომცემელი: გიორგი ოთხმეზური
ციფრული გამოცემა: ილიას სახელმწიფო უნივერსიტეტი, ლინგვისტურ კვლევათა ინსტიტუტი; დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით
დაზიანება: კოროზიის შედეგად სტელის ზედაპირი ატკეჩილია, წარწერა ძირითადად გადაშლილია და მხოლოდ მცირე ფრაგმენტები იკითხება. ამჟამად დავით მეფის სახელის აღმნიშვნელი გრაფემებიც აღარ ჩანს (აღდგენილია დ. ბერძენიშვილის მიხედვით). წარწერის დათარირება წინა გამოცემებში: 1) მ. მამარდაშვილის მიხედვით წარწერა XII-XIII სს-ის „ჴელების“ თანადროულია, 2) დ. ბერძენიშვილის მიხედვით რუსუდან მეფეთ-მეფის და დავით მეფის მოხსენიებით ეს წარწერა XIII ს-ით თარიღდება. წარმოდგენილი დათარირების საფუძველი: რუსუდანის და დავითის (დავით VI ნარინი) ერთად მოხსენიება მიუთითებს, რომ „ჴელი“ მათი თანამოსაყდრეობის პერიოდშია აღმართული (1230-1245 წწ.). წარწერაში მ. მამარდაშვილი რამდენიმე სიტყვას განსხვავებულად კითხულობს: ესე ხელი ჩემი არს რუსუდან მეფეთ-მეფისა... არიან იოანე... ლომი... დავით მეფისა. ხოლო გ. ოთხმეზურს 2016 წლის გამოცემაში შემდეგნაირად აქვს წაკითხული: „† ესე ჴელი ჩემი არს, რუსუდან მეფეთ-მეფისა... იოანეს ხელითა და ლომის მოჭირვებითა დაჲსუა ჴელი ესე დავით მეფისა, ამენ“
ოთხმეზური, 2018 გიორგი ოთხმეზური, დმანისი, ქვემო ქართლის ეპიგრაფიკული კორპუსი, I, 170-172, თბილისი, 2018
ბერძენიშვილი, 2014 დ. ბერძენიშვილი, ნარკვევები ქვემო ქართლის ისტორიული გეოგრაფიიდან, 114 თბილისი, 2014
ოთხმეზური, 2016 გიორგი ოთხმეზური, დმანისის რაიონის ეპიგრაფიკული ძეგელები (წარწერების მიმოხილვა და ისტორიული ექსკურსი), 41-42, თბილისი, 2016
მამარდაშვილი, 1994 მ. მამარდაშვილი, ხელის გამოსახულებიანი წარწერიანი სტელა გომარეთიდან, თბილისი 1994, 63-64