ანაპის ბერძნულწარწერიანი მარმარილოს ფილის ფრაგმენტი თინათინ ყაუხჩიშვილი ილიას სახელმწიფო უნივერსიტეტი, ლინგვისტურ კვლევათა ინსტიტუტი Ilia State University, Institute of Linguistic Studies ECG071 დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით. ანაპა ეპიტაფია მარმარილო საფლავის ქვა ფილის ზემო ნაწილში შემორჩენილია რელიეფი, რომლის ქვემოთაც მოთავსებულია 8 სტრიქონიანი ბერძნული წარწერა. წარწერის მარჯვენა ნაწილი განადგურებულია შემდეგ ამოკვეთილი რელიეფური გამოსახულებებით. 16 25 წარწერა გამოყვანილია ლამაზი მთავრულით, დაახლ. თანაბარი ასოებით, სტრიქონები ერთმანეთთან მჭიდროდაა. წარწერის დათარიღების სადუძველია ასოთა მოხაზულობა (α ჩატეხილი შუა ხაზით, არქაული ω, σ - კუთხოვანი სამკბილა, ε და θ-ს ჰორიზონტალური ხაზის მაგივრად აქვთ გაგრძელებული წერტილი, არაა შემოკლებები და ლიგატურები) და ენობრივი ნორმები (დაცულია i adscriptum; დაცულია კლასიკური ბერძნულისა და კოინეს მართლწერის ნორმები). 1 - 1,5 ანაპა Anapa I ანაპა Anapa საქართველოს ეროვნული მუზეუმი ანაპის საფლავის ქვა, 1880 Gravestone from Anapa, 1880

თინათინ ყაუხჩიშვილი, საქართველოს ბერძნული წარწერების კორპუსი, 253-254

თინათინ ყაუხჩიშვილი, ბერძნული წარწერები საქართველოში, 243-244

Γάστεις καὶ Ἀδείμαντος οἱ Χορηγίωνος χαίρετε. Πρόσθε μὲν ἡδὺν ἐγὼ φαιδρῶς Γάστεις βίον ἔζην συμβίῳ κουριδίῳ τέκνα δύο προλιπών νῦν δέ μοι εἰς Ἀϊδαο δόμον φίλος ἕσπετ’ ἀδελφός σεμνὴν θυγατέρα κτῆμ΄ ἀφιεὶς γαμετῇ θαυμασίους πάτρας μιμούμενοι ἔργμασι φώς ἀϊδίου τύχομεν κήδεος ἀμφότεροι

გასტის და ადიმანტე, ხორეგიონის ძენო, მშვიდობით. მე გასტისი უწინ ნათლად, ტკბილი ცხოვრებით ვცხოვრობდი, დავუტოვე ორი შვილი კანონიერ თანამეცხედრეს. ახლა კი ჰადესის სამკვიდრებელში გამომყვა საყვარელი ძმა. მან მშვენიერი ასული საუნჯედ დაუტოვა მეუღლეს. საქმიანობით ვბაძავდი სამშობლოს საოცარ ვაჟკაცებს, ორივემ დავიმკვიდრეთ სამარადისო განსასვენებელი.

წარწერა მოასწავებს იმას, რომ ფილა უნდა ყოფილიყო საფლავის ქვა. უდავოა, რომ წარწერა საფლავისაა და მისი პირველი 2 სტრიქონი უეჭველად არის აღდგენილი (თუ არ ჩავთვლით სახელს, Ἀδείμαντος - ასეთი სახელი შავიზღვისპირეთში სხვა წარწერებში დადასტურებული არ არის, სამაგიეროდ იგი საკმაოდ გავრცელებულია თვით საბერძნეთში, ეტიმოლოგიაც ბერძნული აქვს). რაც შეეხება დანარჩენს, რაც გაგებულია როგორც სამი ელეგიური დისტიქი, იქ უეჭველია ის, რაც ტექსტშია: "უწინ მე ტკბილი... | კანონიერი თანამეცხედრე... | ახლა ჩემთან ჰადესში...| მშვენიერი ასული... | სამშობლოს საოცარი... | სამარადისო განსასვენებელი დავიმკვიდრეთ". ყოველივე დანარჩენი არის ვ. ლატიშევის ნიჭიერი მიგნების სავარაუდო ნაყოფი. ტექსტი აღდგენილია ვ. ლატიშევის მიერ (IPE II, ,, 419, 223). აღდგენა, ცხადია, პირობითია, მაგრამ მეტად სარწმუნოა ყველა სხვა გამოცემასთან შედარებით. როგორც ჩანს, წარწერა 2 ძმის (გასტისისა და ადიმანტეს) ეპიტაფიას წარმოადგენდა. ჯერ გარდაცვლილა გასტისი და შემდეგ ადიმანტე. გარდაცვლილები ახალგაზრდანი ჩანან. სახელებს, გასტისსა და ხორეგიონს, სპეციალისტები ბოსფორის წარწერებში არა ერთგზის დადასტურებულად მიიჩნევენ.