† ვარძიის ღვთისმშობლის შეწევნითა და ძლიერებით, ქორონიკონსა ლჱ (38) დავიწყე ამ ზღუდის შენება თმოგვს მე, მეფეთ-მეფე დავითის ვარძიელმა საწოლის მწიგნობარმა, მურვაბ კჳთხისძემ, თევდორემ დადგა.
თმოგვის მურვან კჳითხისძის წარწერა ამჟამად დაცულია ვარძიის მუზეუმ-ნაკრძალის ქვის ძეგლების საცავში, სამონასტრო კომპლექსის ერთ-ერთ გამოქვაბულში. წარწერის მიხედვით, 1350 (ქრონიკონი ლჱ - 1312+38) წელს დავით მეფეთა მეფის (1246-1270) ვარძიელ საწოლის მწიგნობარს (მწიგნობართუხუცესის ერთ-ერთი მოადგილე და, მაშასადამე, სამეფო კარის დიდმოხელე იყო. მწიგნობართუხუცესის მსგავსად ისიც სასულიერო პირია, ამიტომ ვარძიელი აქ შეიძლება ვარძიის მონასტრის წინამძღვარსაც, ან წარმოშობით ვარძიელსაც აღნიშნავს), მურვან კჳითხისძეს, თმოგვში ზღუდის მშენებლობა დაუწყია, რომელიც, „თევდორე დადგა“, ალბათ, გაასრულაო.