საფარის წმ. გიორგის ეკლესიის იოვანეს წარწერა წყაროს აშენებისა ვალერი სილოგავა Valeri Silogava ილიას სახელმწიფო უნივერსიტეტი, ლინგვისტურ კვლევათა ინსტიტუტი Ilia State University, Institute of Linguistic Studies ECG098 დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით. საფარა მოსახსენებელი Memorial კედელი ქვა წარწერა სამსტრიქონიანია. იგი შესრულებულია საფარის წმ. გიორგის სახელობის საშუალო ზომის დარბაზული ეკლესიის შიგნით, ჩრდილოეთ კედელში ჩასმულ ფილაზე ამოღარული ასომთავრული წარწერა საფარა Sapara St. George church XV საფარის წმ. გიორგის ეკლესია Sapara St. George church საფარის წმ. გიორგის ეკლესია Sapara St. George church ტექსტის სრული კოდირება, მეტამონაცემების სრული კოდირება, ბმულებით დაკავშირება ავტორიტეტულ წყაროსთან

ვალერი სილოგავა, სამცხის ლაპიდარული ეპიგრაფიკა, 118-169

†წმიდაო საბა მეოხეყავ სოჳლსა იოვანესა ესე წ ყარო აღაშენა

† წმიდაო საბა, მეოხ-ეყავ იოვანეს სულს, რომელმაც ეს წყარო ააშენა.

საფარის მონასტერი ძველი დროიდანვე სხვადასხვა დანიშნულების 12 ნაგებობისაგან შედგებოდა. მათ შორის მთავარია წმ. საბას სახელობის ტაძარი, აგებული ბექა სამცხის სპასალარისა და მანდატურთუხუცესის მიერ XIII-XIV სს. მიჯნაზე. საფარაში ამაზე ძველი ეკლესიაც არსებობს, X ს-ის ღვთისმშობლის მიძინების სახელობის ტაძარი, რომელსაც ჩრდილოეთიდან მიდგმული აქვს ზემოხსენებული წმ. საბას ტაძარი. ვალერი სილოგავას აზრით, წმინდა გიორგის ტაძარი, რომელზეც ეს წარწერაა შესრულებული, აგებულია XV საუკუნეში. მასზე შესრულებული წარწერებიც თანადროული უნდა იყოს. იოვანეს წყაროს აშენების წარწერა ძალზე მნიშვნელოვანია, რადგან ძველი წარწერები წყაროთა აშენების-გამოყვანის და მის გარშემო გარკვეული ტიპის ნაგებობების აგების შესახებ იშვიათია. ტექსტისეული „ესე წყარო აღაშენა“ ვალერი სილოგავას აფიქრებინებს, რომ წარწერიანი ფილა თავდაპირველად არა ეკლესიის კედელში და ისიც მის შიგნით, არამედ წყაროს თავზე იქნებოდა ჩასმული და აქ იგი მეორედ გამოყენების შედეგადაა მოხვედრილი.