ქვაჯვრის ფრაგმენტზე, ადამიანის ფიგურის შემორჩენილი ნაწილის მარცხნივ, მავედრებელი ხელების ქვემოთ, სომხური გრაფიტოს ქვეშამოკაწრულია ქართული ასომთავრული ანბანის ასოები. ე.წ. აბეცედარიუმი- ტრადიციული რიგის მიხედვით ჩამოწერილი გრაფემები. "ნაგზაურას" აბეცედარიუმი (დავათის სტელასთან ერთად) უძველესია ქართულ აბეცედარიუმებს შორის. დაზიანება: გრაფემები მკრთალად არის ამოკაწრული, ქართულ გრაფიტოს ფარავს სომხური გრაფიტო. ქვაჯვრის მარცხენა ნაწილი ჩამოტეხილია, რასაც, სავარაუდოდ, გაჰყვა წარწერის დასაწყისი. წარწერის დატარიღება წინა გამოცემებში: VIII ს. (ალექსიძე) წარმოდგენილ გამოცემაში გაზიარებულია მოცემული დათარიღება.