ოქროს ბეჭედი ამეთვისტოთი თინათინ ყაუხჩიშვილი ილიას სახელმწიფო უნივერსიტეტი, ლინგვისტურ კვლევათა ინსტიტუტი Ilia State University, Institute of Linguistic Studies ECG270 დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით. მცხეთა სავედრებელი ამეთვისტო ბეჭედი ოქროს ბეჭედზე დამაგრებულია ამეთვისტოს თვალი. ცენტრში მთელი სიმაღლით, სახით პროფილში, გამოსახულია ქალის ფიგურა, რომელსაც გასწვრივ ორივე მხარეს თითო სტრიქონად აქვს ბერძნული წარწერა. 1,7 1,2 წარწერა ნეგატიურად, წვრილი და მკაფიო ასოებით არის გამოყვანილი. ასოების ბოლოებზე ჩაღრმავებული წერტილებია. Θ და Ε მრგვალია, დანარჩენი ასოები - კუთხოვანი. α-ს (4-სავე შემთხვევაში) დამრეცი შუა ხაზი აქვს. μ-ს სწორხაზოვანი,ქვემოთ ოდნავ გაშლილი ფეხები. ბეჭდის თვალზე გამოსახულია ქალის ფიგურა (ქალღმერთი ჰიგია?) მცხეთა I-III მცხეთა ნივთი აღმოჩენილია მცხეთაში, სამთავროს სამაროვანზე ქალის მდიდრულ, III ს-ით დათარიღებულ სამარხში. ოქროს ბეჭედი სამთავროს სამაროვნიდან Gold ring from the Samtavro Necropolis

თინათინ ყაუხჩიშვილი, საქართველოს ბერძნული წარწერების კორპუსი, 262

Ἄθηκα μὰ Ὑγείαν

ათეკა გეფიცები ჰიგიას.

ბეჭდის პატრონი ათეკა (?) ევედრება ჰიგიას (ჯანმრთელობის ქალღმერთს, ასკლეპიოსის ასულს) - ე.ი. სთხოვს მფარველობას, ჯანმრთელობას. "ათეკა" საცნობარო ლიტერატურის მიხედვით დადასტურებული სახელი არაა. წაკითხვის მეორე ვარიანტი: ბეჭდის პატრონი (მისი სახელი არ გვაქვს) ამ თვალს (ἄθηκα, τά შესაძლოა აღნიშნავდეს მარჯანს, თვალი სინამდვილეში ამეთვისტოა) ავედრებს ჰიგიას, ე.ი. ამ თვალზე ეფიცება ჰიგიას, შესთხოვს ჯანმრთელობას. ასოთა მოხაზულობის მიხედვით (წერტილებით მკაფიოდ აღნიშნული კუთხეები, α-ს დამრეცი შუა ხაზი, სწორი, გაშლილი ფეხებით, მრგვალი Θ და Ε) წარწერა I საუკუნეებით თარიღდება. საამარხი მთლიანად III ს-სად ითვლება, ისე რომ ეს თარიღები ერთმანეთს არ ეწინააღმდეგებიან. ფიცის ასეთი ფორმულა დამახასიათებელია ძველი, საშუალო და ახალი ბერძნულისათვის.