ხედი
ბერძნული წარწერა ΧΗΔ/Χηδ ხედ-ი შესაძლოა არის საკუთარი სახელი (მთლიანად ან შემოკლებით. მაგ., შავიზღვისპირეთში გვაქვს სახელები Χαδικίας და Χαδάκης). არამეულად ამოკაწრული სიტყვაც იკითხება Ked, ე.ი. იმეორებს ბერძნულს (გ. გიორგაძის აზრით, ბერძნულ-არამეული ΧΗΔ|Ked შესაძლოა უკავშირდებოდეს ოსურ Gädi-ს. ე.ი. ქართულად იქნება სახელი "ქედი", მ. ჭელიძე 1990: 74). ბერძნული ასოთა მოხაზულობა რაიმე საგანგებო მონაცემებით არ გამოირჩევა. დათარიღების საფუძველია ნივთის ანალიზი, მასზე ბერძნულ-არამეული წარწერების პარალელურად არსებობა და სამარხის ინვენტარი.