დიოსკურია
Dioskuria
გვანდრაში აღმოჩენილი სამეთუნეო ქურის ნაშთები შეიცავდა ამფორებს, რომლებიც ძვ.წ. IV-III საუკუნეების სინოპური ტიპის მიხედვით იყო დამზადებული; ცხრა ეგზემპლარის ყურებზე დასმული იყო დამღა ΔΙΟΣΚΟΥ სარკისებურად გამოსახული ასოებით. ამ კონტექსტში ასოები შეიძლება მხოლოდ ქალაქ დიოსკურიის ან დიოსკურიელების აღმნიშვნელი სახელის შემოკლება იყოს: ქალაქი, ალბათ, ამ ამფორების წარმოებაში იყო ჩაბმული. ყოველ შემთხვევაში, ეშერა რომ ძვ.წ. III საუკუნისათვის დიოსკურიის ფარგლებში შედიოდა, ეჭვს აღარ უნდა იწვევდეს. გარდა ამისა, ეს დამღები იმისი მაჩვენებელია, რომ ეშერა-დიოსკურიას გაცვლითი სავაჭრო ურთიერთობა ჰქონდა ჩრდილოეთ შავიზღვისპირეთთან, რაზეც მიუთითებს სამი ასეთი დამღიანი ნიმუში პანტიკაპეონიდან და კიდევ ორი - ნიმფეონიდან.