ვანის ბერძნული წარწერა (II) თინათინ ყაუხჩიშვილი ილიას სახელმწიფო უნივერსიტეტი, ლინგვისტურ კვლევათა ინსტიტუტი Ilia State University, Institute of Linguistic Studies ECG330 დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით. ვანი მემორიალური ქვა კედელი ვანის ნაქალაქარის კარიბჭის ძირითად კედელზე მიშენებული პატარა წარმართული სამლოცველოს ჩრდ. კედლის შიგნითა მხარეზე ზემოდან პირველსავე ქვაზე, ქვემოდან 136 სმ-ის სიმაღლეზე არის ერთ ჰორიზონტალურ სტრიქონად ამოკაწრული ბერძნული წარწერა. ამ წარწერიდან დასავლეთისკენ, სიგანეში 1-2 ქვის გამოტოვებით 20 სმ-ით უფრო დაბლა პირველთან შედარებით, არის II წარწერა. წარწერა შესრულებულია მარჯვნიდან მარცხნივ, მეორე წარწერაც ასევე მარჯვნიდან მარცხნივ არის გამოყვანილი, II-III დაზიანებული ასოებით. ორივე წარწერა ერთი ხელითაა დაწერილი და ეს იგივე ხელია, რომლითაც ამოკაწრულია სავედრებელი წარწერა. წარწერა დათარიღებულია პალეოგრაფიული ნიშნების (გაშლილი ω, მრგვალი σ, ν-ს მოხაზულობა, α ჩატეხილი ჰასტით) მიხედვით. ვანი IV-III BC ვანის ნაქალაქარი ვანის ნაქალაქარი სამლოცველოს ჩრდილოეთი კედელი ვანის კარიბჭესთან Northern chapel wall near the city gate of Vani

თინათინ ყაუხჩიშვილი, საქართველოს ბერძნული წარწერების კორპუსი, 148-149

Ἄρσανς

არსანსი

საკუთარი სახელის ეს ფორმა (Ἄρσανς) დამოწმებულია მხოლოდ ვანის წარწერაში. არსებობს მსგავსი სახელები: Ἄρσανος (დიოდ. სიც. 17,6), Ἀρσᾶς (Oxy, VII, 1063, II (II-III), Ἀρσάϊς (Teb. I, 121, 109)... განსაკუთრებით საყურადღებოა ელინისტური ხანის ძეგლზე არც მთლად მოსალოდნელი შესრულება წარწერისა (მარჯვნიდან მარცხნივ). ეს უნდა იყოს წერის შეფარვითი მანერა. ხელოსანი (მოქანდაკე, არქიტექტორი თუ კალატოზი) თავის სახელს ამგვარად ამჟღავნებს.