მურუხის წარწერა დაღესტნიდან შაჰბან ჰაფიზოვი ილიას სახელმწიფო უნივერსიტეტი, ლინგვისტურ კვლევათა ინსტიტუტი Ilia State University, Institute of Linguistic Studies ECG381 დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით. მურუხი სავედრებელი ჯვარი ქვა წარწერა სამსტრიქონიანია ამოღარული ნუსხური წარწერა სოფ. მურუხი, ჭაროდის რაიონი, დაღესტანი სოფ. მურუხი, ჭაროდის რაიონი, დაღესტანი ჭაროდის რაიონის სოფ. მურუხში ერთი სახლის კედელში აღმოჩნდა ჩასმული ქართულწარწერიანი ქვა, რომელიც 20 წელზე მეტი ხნის წინ წამოუღიათ მშენებლებს მურუხის განაპირიდან და ჩაუსვამთ ხსენებული სახლის კედელში, რა დროსაც ქვის ზედა ნაწილი ჩამომტვრეულა. ამ ქვის წარწერა ახლახან გამოქვეყნდა (Хапизов Ш.М. Грузинская надпись из юго-восточной Аварии. Материалы III международного конгресса кавказоведов. Тбилиси, 2013, 205-206 (ინგლისურ ენაზე); 468-470 (რუსულ ენაზე). სოფ. მურუხი კლდეზე აგებული კოშკის ირგვლივაა გაშენებული. კოშკისგან მოშორებით სასაფლაოა, რომელსაც იქაურები ქაფურაზულ ხაბალს „ურწმუნოთა საფლავებს“ უწოდებენ. სწორედ აქედან წამოუღიათ ქართულწარწერიანი ქვაც. სავარაუდოა, რომ ქვა ჯვარს წარმოადგენდა, რომლისგანაც გადარჩენილია მხოლოდ ქვედა ნაწილი უმკლავებოდ. სოფ. მურუხი, ჭაროდის რაიონი, დაღესტანი ტექსტის სრული კოდირება, მეტამონაცემების სრული კოდირება, ბმულებით დაკავშირება ავტორიტეტულ წყაროსთან მურუხის წარწერა დაღესტნიდან

შაჰბან ჰაფიზოვი, ქართული, ქართულ-ხუნძური და ხუნძური წარწერები მთიან ხუნძეთში (დაღესტანი), 130

სულსა ქოჟი გისა

სულსა ქოჟიგისა...

შაჰბან ჰაფიზოვის აზრით, წარწერა ტ. გუდავას მიერ ამოკითხული ჩახუტის წარწერის მსგავსად მთავრდება სიტყვებით: ს(უ)ლსა ქოჟიგისა (შდრ. ტ. გუდავას მიერ ამოკითხული: ს(უ)ლსა ჩახუტისსა). ვინაიდან ტ. გუდავას ტექსტი იწყებოდა სიტყვებით: ჯვარი ქრისტესი. უფალო განუსვენე..., ლოგიკურად უნდა ვივარაუდოთ, რომ მურუხის წარწერაშიც გამოითხოვდნენ ვინმე ქოჟიგის სულის განსვენებას.