ზედა ვარძიის „კიდურყვავილოვანი“ წარწერა ციალა გაბაშვილი ილიას სახელმწიფო უნივერსიტეტი, ლინგვისტურ კვლევათა ინსტიტუტი Ilia State University, Institute of Linguistic Studies ECG384 დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით. ვარძია სავედრებელი ფასადი ქვა წარწერა ცხრასტრიქონიანია. იგი ამოკვეთილია სამხრეთ კარის ბალავრის ქვაზე, რელიეფური ჯვრის ორივე მხარეს ამოღარული ასომთავრული წარწერა, კიდურყვავილოვანი ასოები ვარძია X-XI ვარძიის ღვთისმშობლის სახელობის ეკლესია ტექსტის სრული კოდირება, მეტამონაცემების სრული კოდირება, ბმულებით დაკავშირება ავტორიტეტულ წყაროსთან ზედა ვარძიის „კიდურყვავილოვანი“ წარწერა

ციალა გაბაშვილი, ზედა ვარძიის „კიდურყვავილოვანი“ წარწერა, 31-32

†დედაო ღმრთისაო მეოხ ეყავ ერისთავთერისთავსა ლიპარიტს და შვილთა მის თა დღესა მას საშინელ სა რომელმან გულსმოდ გინებით აღგიშე ნა წმიდაჲ ესე ეკლე სიაჲ ამენ

† ღვთის დედაო, იმ საშინელ დღეს მეოხ-ეყავ ერისთავთ-ერისთავს ლიპარიტს და მის შვილებს, რომელმაც გულმოდგინებით აგიშენა ეს წმიდა ეკლესია, ამინ.

ზედა ვარძიის ღვთისმშობლის სახელობის ეკლესია ვარძიის გამოქვაბულების ჩრდილო-დასავლეთით, სამიოდე კილომეტრის მანძილზე მდებარეობს. იგი ქვის ფილებითაა მოპირკეთებული და ჩუქურთმებით შემკული. გამომცემელი მიიჩნევს, რომ ვარძიის წარწერის ასოებს ბევრი აქვთ საერთო X-XI სს. ხელნაწერთა საზედაო ასოებთან. ეს მსგავსება მას აფიქრებინებს, რომ ოსტატს ზედა ვარძიის წარწერის ასოთა მოყვანილობის და სამკაულის შერჩევისას ნიმუშად X-XI სს. მიჯნის ერთი ან რამდენიმე ხელნაწერი ჰქონდა აღებული. წარწერაში მოხსენიებული ერისთავთ-ერისთავი ლიპარიტი კი შეიძლება ლიპარიტ რატის ძე, ანუ ლიპარიტ II იყოს. წარწერაში სიტყვები ერთმანეთისაგან გამიჯნულია.