მასალა: რუხი ქვა
ობიექტის ტიპი: ფასადი
ზომა: w 174 x h 55 cm
წარწერიანი ზედაპირი: წარწერა 5 სტრიქონიანია. იგი შესრულებულია ტაძრის ფასადის კარის თავზე, სწორკუთხად გათლილი რუხი ფერის ქვაზე. w 125 x h 42 cm
ასოთა მოხაზულობა: ამოღარული ასომთავრული წარწერა 5-7
დათარიღება: X AD (lettering)
სადაურობა: ზემო ნიქოზი, მთავარანგელოზის ტაძარი სოფელ ზემო ნიქოზის მთავარანგელოზის ტაძარი მდებარეობს ცხინვალიდან სამი კმ-ის მანძლზე, სამხრეთით.
თავდაპირველი მდებარეობა: ზემო ნიქოზი, მთავარანგელოზის ტაძარი
ბოლო აღწერილი მდებარეობა: ზემო ნიქოზი, მთავარანგელოზის ტაძარი
ტექსტის კატეგორია Unknown
რედაქტორი/გამომცემელი: ნოდარ შოშიაშვილი
ცვლილებები ფაილში: 2019-11-05 Eka Kvirkvelia ტექსტის სრული კოდირება, მეტამონაცემების სრული კოდირება, ბმულებით დაკავშირება ავტორიტეტულ წყაროსთან
ციფრული გამოცემა: ილიას სახელმწიფო უნივერსიტეტი, ლინგვისტურ კვლევათა ინსტიტუტი; დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით.
თარგმანი:
† ღვთის სახელით მე, მიქაელ ნიქოზელმა ეპისკოპოსმა, აღვაშენე წმიდა ეკლესია, რომელიც არის სახლი ღმრთისა და ბჭე ცისა, საყოფელი წმიდისა ღმრთსმშობელისა და წმიდათა მთავარანგელოზთა, სალოცველად სულისა ჩემისა.
კომენტარი:
ნოდარ შოშიაშვილის ქართული წარწერების კორპუსის მიხედვით #93. წარწერას განკვეთილობის ნიშნები არ ახლავს. სიტყვები ერთმანეთისგან არ არის დაცილებული. წარწერის დათარიღების პალეოგრაფიული საფუძველია: გრაფემების მოყვანილობა: გრაფემა Ⴊ-ს წრე ზოგჯერ ძალიან დიდია და მოკლე ყელი უერთდება წრეს შუა ადგილზე; გრაფემა Ⴔ-ს ბუნი არ კვეთს წრეს; გრაფემა Ⴢ-ს ზედა კიდე მარცხნივაა ძლიერ გაზიდული და დიდად სცილდება ქვედა კიდეს; Ⴌ-ს გამხედრულება; გრაფემების ჩამოგრძელება, მიდრეკილება ოთხხაზოვანი ბადისაკენ. სიტყვების გადაბმა, განკვეთილობის გარეშე წერა. ლიგატურა; ორთოგრაფია: Ⴢ-ს ხმარება Ⴈ-ს ნაცვლად. ეკლესიის ხუროთმოძღვრული ნიშნები და ჩუქურთმები. ამ წარწერის ზემოთ მარჯვენა კედლის წყობის ქვის ქვედა მარცხენა კუთხეში ამოკვეთლია ოთხი მთავრული გრაფემა: Ⴟ~Ⴈ ႱႨ - ჯ(უარ)ი (ქრისტე)სი. მარი ბროსეს აღნიშნული აქვს კიდევ ორი სიტყვა: ႫႵႪ ႤႡႩႦႨ - მ(ი)ქ(აე)ლ ებ(ის)კ(ოპო)ზი, ეს სიტყვები აღარ ჩანს. ი. მეგრელიძეს ვერ შეუნიშნავს Ⴟ~Ⴈ ႱႨ.
ბიბლიოგრაფია:
შოშიაშვილი, 1980 ნოდარ შოშიაშვილი, ქართული წარწერების კორპუსი, 185-186
ბროსე, 1851 M. Brosset, Rapports VI, 54
საძაგელოვი, 1898 Г. Садзагелов-Ивериели. Описание Никозкой Михайло-архангельской церкви в Карталинии, 37
მეგრელიძე, 1952 ივანე მეგრელიძე, სტალინირის და ზემო ნიქოზის სიძველეები, 279
ფოტო
Fig. 1. ზემო ნიქოზის მთავარანგელოზის ტაძრის საამშენებლო წარწერა მიქაელ ეპისკოპოსისა