მასალა: მარმარილო
ობიექტის ტიპი: კვარცხლბეკი
დეკორი: განკვეთის ნიშანი ფოთლის სახით
წარწერიანი ზედაპირი: პრიზმას დამუშავებულ წახნაგზე აქვს ბერძნული წარწერა, რომლის ორივე კიდე (მარცხენა და მარჯვენა) დაზიანებულია. w 9,5 x h 28 cm
ასოთა მოხაზულობა: ბერძნული წარწერა ლამაზი მთავრულით არის შესრულებული. სტრიქონებს შორის მანძილი არაა დატოვებული. IV სტრიქონი შედგება ერთი ასოსა და განკვეთის ნიშნისაგან. წარწერის დათარიღება ხდება პალეოგრაფიული ნიშნების მიხედვით (კუთხოვანი Ε, C, Ω; α ჩატეხილი შუა ხაზით; α-ს და δ-ს მარჯვენა ხაზი ზემოთ გაგრძელებული, მრგვალი μ, ρ, φ; δ-ს თავი შედარებით პატარა; Ε -ს და Η-ს შუახაზი ოდნავ გაგრძელებული წერტილი;). 25-30
დათარიღება: III AD (lettering)
სადაურობა: ანაპა
თავდაპირველი მდებარეობა: ანაპა
ბოლო აღწერილი მდებარეობა: სახელმწიფო მუზეუმის ლაპიდარიუმი №6
ტექსტის კატეგორია Unknown
რედაქტორი/გამომცემელი: თინათინ ყაუხჩიშვილი
ციფრული გამოცემა: ილიას სახელმწიფო უნივერსიტეტი, ლინგვისტურ კვლევათა ინსტიტუტი; დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით.
თარგმანი:
აღვუმართე ქანდაკება კეთილისმყოფელ ფარნარნს (?), მოსაგონებლად (ან - პატივის მისაგებლად), წელსა... (დღესა) მესამესა.
კომენტარი:
როგორც ჩანს, წარწერა იყო ქანდაკების ბაზაზე შესრულებული. საკუთარი სახელი Φαρναρν - სხვა ძეგლების მიხედვით ცნობილი არ არის. მიუხედავად იმისა, რომ წარწერა ფრაგმენტულია, დაახლოებით გასაგებია მისი შინაარსი. კონსტრუქციაა ცოტა თავისებური: მოსალოდნელი იყო ἀνέστησα εὐεργέτῃ ἀδριάντα ე.ი. აღვუმართე კეთილისმყოფელს ქანდაკება, (აქ კი გვაქვს: აღვმართე კეთილისმყოფელი ქანდაკებად...) φαρναρν... არც საკუთარი სახელია ცნობილია ასეთი ფორმით და არც საზოგადო სახელი. ვ. ლატიშევი ფიქრობს, რომ ამომჭრელს შეეშალა და ნაცვლად ბოსფორის წარწერებში გავრცელებული სახელისა - Φαρνάκης ან Φαρνακίων ამოჭრა Φαρναρν. ამ ხასიათის შეცდომა სხვა არ არის, ისე რომ ამ შემთხვევაში ნაკლებ სავარაუდებელია უბრალო შეცდომა. წარწერა უნდა იყოს ფარნარნის (?) ქანდაკების კვარცხლბეკის წარწერა.
ბიბლიოგრაფია:
საუერი, 1931 თინათინ ყაუხჩიშვილი, საქართველოს ბერძნული წარწერების კორპუსი, 254-255
ყაუხჩიშვილი, 1951 თინათინ ყაუხჩიშვილი, ბერძნული წარწერები საქართველოში, 241-242
ფოტო
Fig. 1. ანაპის კვარცხლბეკი, 1874