ECG034. ურბნისის სიონის აღდგენის წარწერა თევდორე ეპისკოპოსისა

მასალა: ქვიშაქვა

ობიექტის ტიპი: ფასადი

ზომა: w 52 x h 138 x d 41 cm w 48 x h 41 cm

წარწერიანი ზედაპირი: წარწერა 6 სტრიქონიანია. იგი გამოქანდაკებულია ტაძრის სამხრეთის ფასადის კარის თავზე, სწორკუთხედად გათლილ რუხი ქვიშაქვის ორ, ერთმანეთის გვერდით მიდგმულ ფილაზე. თითოეული სტრიქონი იწყება მარცხენა ფილაზე და მთავრდება მარჯვენაზე. w 90,5 x h 39 cm

ასოთა მოხაზულობა: რელიეფური ასომთავრული წარწერა 5,5-6

დათარიღება: X AD (lettering)

სადაურობა: ურბნისის სიონი

თავდაპირველი მდებარეობა: ურბნისის სიონი

ბოლო აღწერილი მდებარეობა: ურბნისის სიონი

ტექსტის კატეგორია Unknown

რედაქტორი/გამომცემელი: ნოდარ შოშიაშვილი

ცვლილებები ფაილში: 2019-11-11 Eka Kvirkvelia ტექსტის სრული კოდირება, მეტამონაცემების სრული კოდირება, ბმულებით დაკავშირება ავტორიტეტულ წყაროსთან

ციფრული გამოცემა: ილიას სახელმწიფო უნივერსიტეტი, ლინგვისტურ კვლევათა ინსტიტუტი; დოკუმენტი ვრცელდება Creative Commons Attribution-NonCommercial-ShareAlike 3.0 ლიცენზიით.

თარგმანი:

უფალო ღმერთო, შეიწყალე თევდორე ეპისკოპოსი ლუკას ძე, ამ სიონის მაშენებელი. როდესაც ღმერთმა ღირს-მყო ამ სიონის ეპისკოპოსად, იგი ზომაზე მეტად დაძველებული იყო. ოთხივე კუთხე და კონქი - გაპობილი, ქარტოცის სვეტები - დამპალი. და მომმადლა ღმერთმა ამ ყოველივეს აშენება და გაკეთება. სიონის ძალით, ღვთის მეოხებით ყოველივე განვასრულე.

კომენტარი:

ნოდარ შოშიაშვილის ქართული წარწერების კორპუსის მიხედვით #104. პარმენ ზაქარაია წარწერას IX-X საუკუნეებით ათარიღებს. სტრიქონები ერთმანეთისგან გამოყოფილია ჰორიზონტალური, რელიეფური, პარალელური ხაზებით. გარდა მე-5 და მე-6 სტრიქონებისა (როგორც ჩანს, აქ აღარ იყო საკმარისი ფართობი ხაზის გასავლებად: უკანასკნელი სტრიქონი აღარ დაეტეოდა. ამავე მიზეზით ბოლო სტრიქონი იწყება არა ფილის კიდიდან, არამედ ზედა სტრიქონის მესამე ასოს გასწვრივ). ანუ მარცხენა ფილაზე გასდევს სტრიქონების გამყოფი 4 ხაზი, ხოლო მარჯვენა ფილაზე - 5 ხაზი. ხაზებს შორის მანძილია 6-6,5. წარწერას განკვეთილობისა და ქარაგმის ნიშნები არ ახლავს. სიტყვები ერთმანეთისგან არ არის დაცილებული. წარწერის დათარიღების საფუძველი, პალეოგრაფიული ნიშნები: უყელო Ⴃ, გრაფემების გაკუთხოვნება, მიდრეკილება განუსხურებისაკენ: Ⴚ, Ⴊ, Ⴋ, Ⴌ. Ⴇ-ს მიდრეკილება გამხედრულებისაკენ.

ბიბლიოგრაფია:

შოშიაშვილი, 1980 ნოდარ შოშიაშვილი, ქართული წარწერების კორპუსი, 196-197

ბროსე, 1851 M. Brosset, Rapports VI, 13-14

თაყაიშვილი, 1907 ექვთიმე თაყაიშვილი, არხეოლოგიური მოგზაურობანი და შენიშვნანი, 43

შოშიაშვილი, 1958 ნოდარ შოშიაშვილი, ნაქალაქარი ურბნისი, 138-139

შოშიაშვილი, 1965 ნოდარ შოშიაშვილი, ურბნისის ძველი ქართული წარწერები, 146-147

სილოგავა, 1970 ვალერი სილოგავა, ეპიგრაფიკული ეტიუდები, 93

ზაქარაია, 1965 პარმენ ზაქარაია, ნაქალაქარ ურბნისის ხუროთმოძღვრება

ფოტო

   Fig. 1. ურბნისის სიონის აღდგენის წარწერა თევდორე ეპისკოპოსისა